Со цел да овозможи поголемо учество и опфат на невработени лица кои се заинтересирани своето вработување да го решат преку Програма за самовработување,  Агенцијата за вработување на Република Македонија, врз основа на Оперативниот план за активните програми и мерки за вработување за 2012 година и Програмата за работа на Владата на Република Македонија 2011-2015, на ден 01.02.2012 година, повторно објавува

ЈАВЕН ОГЛАС до  невработените лица

Влатко Темелков и  Дејан Манасков си дојдоа дома по успешната битка со најдобрите ракометни репрезентации на Европа. Полни со возбуда и импресии пред општинската зграда беа пречекани од велешките граѓани, вљубеници во спортот, спортисти, спортски работници, пратеници и членови на Советот на Општина Велес. Заедно, како што тоа го правеа во изминативе 2 недели се пееја официјалната и навивачката химна, се споделуваше радоста.

Согласно Националната програма за грижа на стари лица, Општина Велес неколку години наназад реализира проекти поврзани со подобрување на условите за живот на старите лица. Општината е партнер во проектот за грижа на стари лица во домашни услови што Општинската организација на Црвен крст од Велес успеа да го добие како грант од Австрискиот Црвен крст и Австриската агенција за развој. Проектот првите две години ќе се реализира со целосна поддршка на австриската влада. Во имплементацијата учествуваат волонтерите на Црвениот крст и медицински лица кои ќе пружаат нега и ќе се грижат за старите лица во домашни услови.

Ракометниот спорт во Велес секогаш бил во врвот на интересот на велешани. Децении на ред велешкиот ракомет е расадник на квалитетни спортисти што достоинствено ги бранат боите на Република Македонија и го афирмираат Велес во светот. И во овој состав на Македонската ракометна репрезентација има двајца велешани – Влатко Темелковски и Дејан Манасков. Женскиот ракометен клуб „Леов Бартек“ и Ракометниот клуб  „Борец“ се местата во кои се градат идните ракометни „борци“ во црвено-жолтиот дрес. Нивни  идоли се македонските ракометни репрезентативци.

Дваесет и едно годишниот Антонио Тасевски го фати светиот крст во Вардар на денешниот христијански празник Богојавление Водици. Тој беше најсреќниот од деветмината другари кои денеска запливаа во Вардар по светиот крст. Минатата година не успеал, но годинава имаше среќа. Не му пречеше ладната вода да доплива прв до крстот. „По втор пат учествувам. Најпрво за здравје, а потоа и за среќа и благостостојба. Не се подготвував нешто специјално само решивме да се пријавиме и ете го фатив крстот и многу сум среќен", рече Антонио.

Во организација на Општина Велес, на 12-ти јануари годинава, во просториите на општината се одржа едукативна работилница за наставниците по македонски јазик и литература од основното и средното образование. На работилницата присуствуваа наставници од општините Велес, Чашка, Градско и Лозово.  Примената на највисоките стандарди во наставата, приближувањето до учениците, мотивацијата, поттикнувањето на инвентивноста и креативноста во реализацијата на наставните програми, изнаоѓањето и користењето на ресурси како и училишната етика беа само мал дел од темите разгледани на работилницата.